Seleccións temáticas
lunes, 30 de mayo de 2016
APADRIÑAMENTO CORAL
O coro cada curso vaise renovando coa entrada dos nenos e nenas de terceiro e a saída dos de sexto. Hoxe visitaron a Residencia Betania e nela o alumnado de sexto e o resto de compoñentes actuaron como padriños e madriñas dos de segundo que pasarán no vindeiro curso a formar parte da agrupación . Por primeira vez este grupiño de pequerrechos xa subiron ao escenario para disfrutar interpretando composicións variadas que compartiron cos pais, familiares, amigos e os anciáns da Residencia.
miércoles, 25 de mayo de 2016
SEMANA DAS LETRAS
O festival das letras Galegas deu comezo onte pola tarde ; terá continuidade na tarde de hoxe e na de mañá . Participan todos os grupos do Colexio . Hai teatro, música,danza,recitados , biografía novelada, cantigas para sortear,saltar,xogar,..., adaptacións de obras do autor homenaxeado ("O bigote de Mimí" e " Aventuras dunha espiña chamada Berenguela" ) . Van quedando algunhas imaxes
A nosa intérprete, Nerea, fixo posible que as mensaxes chegaran a todas as persoas con discapacidade auditiva.
A nosa intérprete, Nerea, fixo posible que as mensaxes chegaran a todas as persoas con discapacidade auditiva.
lunes, 23 de mayo de 2016
miércoles, 18 de mayo de 2016
Aventuras e desventuras dunha espiña chamada Berenguela
Xornada que pon fin a unha semana de cultura, de tradición , de lectura e de homenaxe ao poeta MANUEL MARÍA. É un dos poetas que mellor describe as tradicións do mundo rural galego, a nosa paisaxe , os milagres da natureza , a importancia da Lingua. Imos na busca de lectores que interpreten e reinterpreten a obra de Manuel María , sentindo e facéndonos sentir agradecemento a unha Terra que baña os nosos sentidos , impregnándoos do salitre mariñeiro, do verdor das nosas fragas, do canto do cuco, do frescor dos ríos e manantiais, ...Agradecemento tamén a unha Terra que progresa , que acolle, que ensina e que vive.
De seguido imos coa obra : “ Aventuras e desventuras dunha espiña chamada Berenguela”
Berenguela é unha humilde espiña de toxo que se atopa coa arrogante folla de carballo e intenta xogar con ela no parque dunha pequena cidade. Pero...só atopa problemas . A solución chega da man do espíritu do monte que a devolve ao seu hábitat onde por fin se sente LIBRE.
viernes, 13 de mayo de 2016
Intercambio de experiencias entre aulas e niveis
O alumnado de 5º e 6º , despois de facer a etapa do camiño Norte Lourenzá- Mondoñedo, completaron unha presentación e convidaron aos alumnos de 3º e 4º para facer a exposición do visto e aprendido. Unha actividade de busca, expresión oral e comunicación moi interesante .
martes, 10 de mayo de 2016
Exposición conxunta - Microrrede A Mariña
A semana da exposición conxunta chegou .Unha ducia de centros participantes no presente curso. Traballo , ilusión, esforzo e sobre todo ... ANIMACIÓN .
Variedade, singularidade, interpretación ,...A obra de Manuel María dá para moito . Ademais da exposición , as actividades de animación á lectura que presentan os escolares e mestres dos Colexios participantes comezaron hoxe. De todo:
música, danza,recitados,teatro,contos,...
Vou deixando algunha imaxe.
máis información ENLACE
E.. novas actuacións
Contacontos Manuel de Paderne
Neste mes ,de actividade frenética e celebracións en torno á lectura e aos libros, visitounos o contacontos Manuel de Paderne . Con el fixemos unha divertida viaxe , na que ían aparecendo historias curiosas que lle acontecían a este máxico personaxe , a partires dos textos de Manuel María. Pasámolo estupendamente .
PICA NO ÁLBUM E VERÁS MOITAS FOTOS
Contacontos Manuel de Paderne |
jueves, 5 de mayo de 2016
Camiño de Santiago 2016
O camino Norte , para completar o estudo da historia da nosa contorna , un proxecto interdisciplinar que estamos a desenvolver no presente curso académico.
Pica nestas actividades :
Mondoñedo foi o final da etapa , cuna de grandes escritores, ofreceunas a posibilidade de render un brevísimo homenaxe a Cunqueiro recitando algún dos seus poemas .
A ponte do Pasatempo , inigualable enclave para a pequena representación que nos ofreceu un grupiño de 5º . Dña. Isabel De Castro que intenta chegar co indulto que salvaría ao Mariscal Pardo de Cela foi entretida nesa ponte e non logrou salvalo.
Pica nestas actividades :
Mondoñedo foi o final da etapa , cuna de grandes escritores, ofreceunas a posibilidade de render un brevísimo homenaxe a Cunqueiro recitando algún dos seus poemas .
A ponte do Pasatempo , inigualable enclave para a pequena representación que nos ofreceu un grupiño de 5º . Dña. Isabel De Castro que intenta chegar co indulto que salvaría ao Mariscal Pardo de Cela foi entretida nesa ponte e non logrou salvalo.
martes, 3 de mayo de 2016
MES DAS LETRAS
Un importante recurso , elaborado polo IES San Paio , e que nos pode servir de moita axuda :
Suscribirse a:
Entradas (Atom)